RECEITAS DA ÉPOCA

COGOMELOS

Ingredientes:
1 ¼ de quilos de carne de vaca nun só anaco
250 gramos de cogomelos
100 gramos de manteiga
2 cebolas
3 cenorias
5 gramos de fariña
1 vaso de caldo
1 vaso de viño branco
1 limón (zume)
Sal e pementa


Preparación:
Sazonar a carne con pementa e rebozala na fariña.
Picar en anacos os cogomelos, as cenorias e as cebolas.
Untar a carne coa manteiga e, cando estea dourada, botarlle os cogomelos, as cenorias e a cebola.
Deixar que coza ata que estea branda a cebola, botarlle o viño, o caldo e o zume de limón. Sacala e deixar que siga cocendo a pouco lume ata que estea tenra. Sérvese cortada en talladas e con prebe por riba. Pódese pasar polo batedor se se quere.



BOLOS DE MILLO

Ingredientes:
800 gramos de fariña de millo
400 gramos de azucre
250 gramos de manteiga
10 ovos
1 limón (en zume)
1 cullerada e media de canela


Preparación:
Bátense os ovos e mestúranse coa manteiga, o limón, a canela e o azucre.
Logo bótaselle, pouco a pouco, a fariña ata formar unha masa que se separa en varios anacos e faise con cada un deles un bolo. Colócase por riba da bandexa do forno untada de manteiga e métese ao forno non moito, ata que estean ben dourados.


Utilidades: serve para a dor de ril
Cóllense os pelos do millo, un puñado aproximadamente. Ponse unha pota con auga a ferver e bótanselle os pelos do millo. Cando estean fervidos, cóase e bótaselle 1 cullerada de azucre e bébese. Para que o remedio funcione hai